జయశంకర్ భూపాలపల్లి జిల్లాలో గోదావరి, ప్రాణహిత నదుల్లో నీటి ప్రవాహం ఆందోళనకర స్థాయిలో పడిపోయింది. మహదేవపూర్, న్యూస్టుడే : జయశంకర్ భూపాలపల్లి జిల్లాలో గోదావరి, ప్రాణహిత నదుల్లో నీటి ప్రవాహం ఆందోళనకర స్థాయిలో పడిపోయింది. ఎగువ ప్రాంతాల నుంచి వరద రాకపోవడంతో గోదావరి వేగంగా జలకళను కోల్పోతుండగా.. ప్రాణహిత నుంచి వస్తున్న స్వల్ప నీటిపైనే నది ఉనికి ఆధారపడింది. గతేడాదితో పోలిస్తే ప్రవాహం రికార్డు స్థాయిలో క్షీణించడంతో తీర ప్రాంత గ్రామాల్లో భూగర్భ జలాలు అడుగంటి, తాగు, సాగు నీటికి తీవ్ర ముప్పు పొంచి ఉండటం ఆందోళన కలిగిస్తోంది. మహదేవపూర్ పరిధిలోని గోదావరి తీర ప్రవాహం లేక ఎడారిని తలపిస్తోంది.