న్యూజిలాండ్తో వన్డే సిరీస్లో విజయం సాధించినప్పటికీ టీమిండియా బ్యాటింగ్ ప్రదర్శనపై చర్చ కొనసాగుతోంది. ముఖ్యంగా 89 పరుగులకే ఆలౌట్ కావడం ఆందోళన కలిగించింది. ఈ నేపథ్యంలో హెడ్ కోచ్ గౌతమ్ గంభీర్ అభిప్రాయాలకు మాజీ కోచ్ రవిశాస్త్రి మద్దతు తెలిపారు. ప్రతి మ్యాచ్లో 300 పరుగులు చేయాలనే ఆలోచన వద్దని, పిచ్కు తగ్గట్టుగా ఆడాలని భారత బ్యాటర్లకు సూచించారు. న్యూజిలాండ్తో జరిగిన వన్డే సిరీస్ను టీమిండియా 3-1 తేడాతో ఘనంగా కైవసం చేసుకుంది. సిరీస్ విజయం సాధించినప్పటికీ భారత జట్టు బ్యాటింగ్ వైఫల్యాలు క్రికెట్ వర్గాల్లో ఆందోళన కలిగిస్తున్నాయి.