కాంగ్రెస్ పార్లమెంటరీ పార్టీ చైర్పర్సన్ సోనియా గాంధీ తన జీవితంలోని అనుభవాలు వివరిస్తూ రచించిన ఆత్మకథ బిలాంగింగ్ ఎ జర్నీ ఆఫ్ లవ్ పుస్తకాన్ని సోమవారం న్యూఢిల్లీలో అధికారికంగా ఆవిష్కరించారు. ఈ సందర్భంగా తన జీవితంలో తనకు ఎదురైన అనుభవాలను సోనియా గాంధీ పంచుకున్నారు. బయట తన కుటుంబం గురించి ఎన్నో అవాస్తవ కథనాలు ప్రచారంలో ఉన్నాయని, వాటికి వాస్తవాలను తెలియజేయాలనే ఉద్దేశంతోనే ఈ పుస్తకాన్ని రాసినట్లు సోనియా గాంధీ వెల్లడించారు. నవంబర్ 10న మార్కెట్లోకి వచ్చిన ఈ పుస్తకం ఆరు రోజుల్లోనే 2 లక్షలకు పైగా కాపీలు అమ్ముడై, అత్యంత వేగంగా అమ్ముడైన పుస్తకాల జాబితాలో ఒకటిగా నిలిచింది.