సాధారణంగా బ్రిటన్ రాజకుటుంబ సభ్యుల విదేశీ పర్యటనలో ఖరీదైన కార్లు, భారీ భద్రత, ప్రత్యేక ఏర్పాట్లు కనిపిస్తాయి. కానీ ప్రిన్స్ విలియం, కేట్ ముంబైలో అందుకు భిన్నంగా వ్యవహరించారు. లగ్జరీ కార్లను పక్కనపెట్టి ఏకంగా మెట్రో రైలు ఎక్కారు. అందులోనూ సాధారణ ప్రయాణికుల్లా కాసేపు ప్రయాణించారు. దీంతో ముంబై వాసులు ఆశ్చర్యపోయారు. ప్రస్తుతం ఈ రాజ దంపతుల మెట్రో ప్రయాణానికి సంబంధించిన వీడియోలు సోషల్ మీడియాలో తెగ వైరల్ అవుతున్నాయి.