Pune Railway Station: प्रवाशांना तिकीट काढण्यासाठी जास्त वेळ रांगेत थांबावे लागू नये, यासाठी पुणे रेल्वे स्थानकावर सहा, तर हडपसर स्थानकावर पाच अतिरिक्त तिकीट खिडक्या सुरू करण्यात आल्या आहेत. दिवाळीच्या सुट्ट्यांमुळे नोव्हेंबरच्या सुरुवातीला पुण्यातून बाहेरगावी जाणाऱ्या प्रवाशांची संख्या अधिक होती. मात्र, सुट्ट्या संपल्यानंतर परतीच्या प्रवासासाठी स्थानकावर गर्दी वाढली आहे. मध्य रेल्वेच्या पुणे विभागाने ऑक्टोबर आणि नोव्हेंबर या दोन महिन्यांसाठी व्यापक गर्दी व्यवस्थापन आराखडा तयार केला आहे.