सकाळ वृत्तसेवाठाणे, ता. १६ : उष्णतेच्या तडाख्यामुळे उड्डाणपुलांवरील मास्टिकचे फुगवटे वाहनचालकांसाठी डोकेदुखी ठरत होते. त्यामुळे अखेर हे फुगवटे मिलिंग मशीनच्या साह्याने हटविण्यात आले. मात्र, फुगलेला थर खरवडून काढल्यानंतर रस्त्यांची डागडुजी करण्याकडे महापालिका प्रशासनाचे दुर्लक्ष झाल्याचे चित्र आहे. परिणामी, मिलिंग केलेल्या भागांवर चिरा आणि उंच-सखल पृष्ठभाग निर्माण झाले आहेत. या मार्गावरून प्रवास करताना विशेषतः दुचाकीस्वारांना कसरत करावी लागत असून, अपघाताचा धोकाही वाढला आहे..