जळगावमधून मोठी बातमी समोर येत आहे. भाजप नेत्या आणि केंद्रीय राज्यमंत्री रक्षा खडसे यांना हायकोर्टाने मोठा धक्का दिला आहे. मुंबई हायकोर्टाच्या छत्रपती संभाजीनगर खंडपीठाने महत्त्वाचा निर्णय दिला आहे. रक्षा खडसे यांनी जिल्हा बँक निवडणुकीसंदर्भात हायकोर्टामध्ये दाखल केलेली याचिका फेटाळून लावण्यात आली आहे. त्यामुळे आता मतदान होणार असल्याचं स्पष्ट झालं आहे. जळगाव जिल्हा बँक निवडणुकीमध्ये रक्षा खडसे यांनी मुक्ताईनगरच्या आपल्या विरोधातील शिवसेनेच्या दोन उमेदवारांच्या उमेदवारीवर हरकत घेतली होती.