अभिनेत्री वर्षा उसगांवकर या त्यांच्या आयुष्यातील खास क्षणांविषयी चाहत्यांना सांगतच असतात. अलीकडेच त्यांनी त्यांच्या आयुष्यातील अनेक किस्से, घटनांचा उलगडा केला. नुकत्याच दिलेल्या एका मुलाखतीत त्यांनी त्यांची आई आणि गोव्यातील किनाऱ्याजवळील त्यांच्या घराबाबत सांगितले. गोव्यात जन्मलेल्या वर्षा उसगांवकर यांनी कॉमर्स या शाखेत पदवी घेतली, नंतर त्यांनी अभिनय क्षेत्रात येण्याचा निर्णय घेतला. इतकेच नाही तर यासाठी खास दोन वर्षे नाट्यशास्त्राचे शिक्षण घेतले. त्यानंतर मुंबईत आल्या आणि व्यावसायिक रंगभूमीवर त्यांनी अभिनयाला सुरुवात केली.