కేంద్ర హోంమంత్రి అమిత్ షా విజయవాడ పర్యటన నేపథ్యంలో అంబేడ్కర్ కళావేదిక పరిసరాల్లో నో ఫ్లైయింగ్ జోన్ అమలు చేశారు. విజయవాడ, నవంబర్ 16: కేంద్ర హోంశాఖామంత్రి అమిత్ షా ఈరోజు విజయవాడలో పర్యటించనున్నారు. డా.బి.ఆర్.అంబేడ్కర్ కళావేదికలో జరగనున్న రామోజీ ఎక్స్లెన్స్ అవార్డుల ప్రదానోత్సవానికి అమిత్ షా ముఖ్య అతిథిగా హాజరుకానున్నారు. కేంద్ర హోంమంత్రి పర్యటన నేపథ్యంలో పోలీసులు కట్టుదిట్టమైన భద్రతా చర్యలు చేపట్టారు. ఇందులో భాగంగా ‘నో ఫ్లైయింగ్ జోన్’ను అమలులోకి తీసుకొచ్చారు. సూర్యారావుపేట పోలీస్ స్టేషన్ పరిధిలోని అంబేద్కర్ కళా వేదికతో పాటు దాని చుట్టుపక్కల ప్రాంతాలను ‘నో ఫ్లైయింగ్ జోన్’గా సీపీ రాజశేఖర్ బాబు ప్రకటించారు.