அமெரிக்க அதிபர் டொனால்ட் டிரம்ப் - ரஷ்ய அதிபர் விளாதிமிர் புதின் இடையிலான அலாஸ்கா சந்திப்பு முடிவு ஏதும் எட்டப்படாமலேயே நிறைவுற்றது. பேச்சுவார்த்தைக்குப் பிறகு இருவரும் 10 நிமிடங்கள் கூட்டாக செய்தியாளர்களை சந்தித்தனர். அமெரிக்காவில் யுக்ரேன் அதிபர் ஜெலன்ஸ்கியைப் போல அல்லாமல், ரஷ்ய அதிபர் புதினுக்கு சிவப்பு கம்பள வரவேற்பு காத்திருந்தது. அலாஸ்காவில் தனது சிறப்பு விமானத்தில் இருந்து புதின் இறங்கி சிவப்பு கம்பளத்தில் நடந்து வந்த போதே, காத்திருந்த டிரம்ப் கைத்தட்டி உற்சாகமாக வரவேற்றார். இருவரும் கைகுலுக்கிக் கொண்ட பிறகு ஒன்றாக சிவப்புக் கம்பளத்தில் நடந்து சென்றனர்.