హిమాచల్ ప్రదేశ్ రాజధాని షిమ్లాలో ఓ కోతి రూ.81,800 నగదును ఎత్తుకెళ్లి చెట్టుపై నుంచి నోట్లను కిందకు విసిరేసింది. జిల్లా కలెక్టర్ కార్యాలయ ప్రాంగణంలో జరిగిన ఈ ఘటనలో స్థానికులు, సిబ్బంది కిందపడిన డబ్బును సేకరించి బాధితుడికి అందించారు. అయితే కోతి నోట్లను చించేయడంతో రూ.1,500 నష్టం జరిగినట్లు బాధితుడు తెలిపాడు. హిమాచల్ ప్రదేశ్ రాజధాని షిమ్లాలో ఒక విచిత్రమైన సంఘటన చోటుచేసుకుంది. సాధారణంగా ఆహార పదార్థాల కోసం మనుషులపై దాడి చేసే కోతులు, ఈసారి ఏకంగా వేలాది రూపాయల నగదు కట్టను ఎత్తుకెళ్లి అందరినీ ఆశ్చర్యపరిచాయి. అంతటితో ఆగకుండా చెట్టుపైకి ఎక్కి నోట్ల వర్షం కురిపించింది ఓ వానరం.