Thiruvannamalai Thirukarthigai Deepam 2026: తమిళనాడులోని ప్రసిద్ధ తిరువణ్ణామలై అరుణాచలేశ్వర స్వామి ఆలయంలో తిరుకార్తిగై దీపోత్సవాలు ప్రారంభమయ్యాయి. పది రోజుల పాటు జరిగే ఈ ఉత్సవాల్లో నవంబర్ 24న తెల్లవారుజామున భరణి దీపం, సాయంత్రం 2,668 అడుగుల ఎత్తైన కొండపై మహా దీపం వెలిగించనున్నారు. ఈ ఏడాది ఉత్సవ విశేషాలు తెలుసుకుందాం. 2026 నవంబర్ 15న ఆలయంలో సంప్రదాయబద్ధంగా ధ్వజారోహణం నిర్వహించడంతో పది రోజుల పాటు జరిగే ఈ మహోత్సవాలకు శ్రీకారం చుట్టారు. తొలి రోజు వినాయకుడు, చండికేశ్వర స్వామివారు వెండి వాహనాలపై ఆలయ మాడ వీధుల్లో విహరించి భక్తులకు దర్శనమిచ్చారు.