બનાસકાંઠાના દિયોદરમાં યોજાયેલા ઠાકોર સમાજના સ્નેહમિલન સમારોહમાં રાજકીય નિવેદનોની સાથે રસપ્રદ ટિપ્પણીઓ પણ સામે આવી છે. ગુજરાત ક્ષત્રિય ઠાકોર સેના અને સમસ્ત ઠાકોર સમાજ દ્વારા આયોજિત આ કાર્યક્રમમાં ભાજપ અને કોંગ્રેસ સાથે જોડાયેલા ઠાકોર સમાજના અનેક અગ્રણી નેતાઓ એક જ મંચ પર જોવા મળ્યા હતા. જોકે, કાર્યક્રમમાં ધારાસભ્ય અલ્પેશ ઠાકોરના મંત્રી બનવા અંગેના નિવેદને ખાસ ધ્યાન ખેંચ્યું હતું.