मांगलेची गाय, कोथळीची म्हैस ‘वारणा श्री’.संघाच्या प्रदर्शनात ३०० हून अधिक जनावरांचा सहभाग.ॲग्रोवन वृत्तसेवा वारणानगर, जि. कोल्हापूर : येथे जनावरांच्या प्रदर्शनात आयोजित स्पर्धेत मांगले (ता. सांगली) येथील मिथिलेश पाटील यांची गाय, तर कोथळी (ता. कोल्हापूर) येथील अमोल गंगाई यांची म्हैस ‘वारणा श्री’ पुरस्काराची मानकरी ठरली. .सहकारमहर्षी तात्यासाहेब कोरे यांच्या ११२ व्या जयंतीनिमित्त वारणा सहकारी दूध संघ आणि तात्यासाहेब कोरे पशुवैद्यकीय महाविद्यालय यांच्या संयुक्त विद्यमाने आयोजित जातिवंत जनावरांचे प्रदर्शन आयोजित करण्यात आले होते.