मुंबई wildlife rangers वन्यजीव आणि नैसर्गिक अधिवासांच्या संरक्षणासाठी दुर्गम जंगलांमध्ये जीव धोक्यात घालून काम करणाऱ्या वनरक्षकांच्या सुरक्षेसाठी ब्रिटनचे राजपुत्र विल्यम यांनी महत्त्वपूर्ण पाऊल उचलले आहे. भारतातील सात राज्यांमधील १० हजार कंत्राटी तसेच तात्पुरत्या वन्यजीव रक्षकांना पुढील पाच वर्षांसाठी अपघात, अपंगत्व आणि जीवन विम्याचे संरक्षण उपलब्ध करून दिले जाणार आहे. राजपुत्र विल्यम यांच्या ‘रॉयल फाउंडेशन’अंतर्गत कार्यरत असलेल्या ‘युनायटेड फॉर वाइल्डलाइफ’ या उपक्रमातून ही योजना राबविण्यात येणार आहे.