मेगाब्लॉक सुरू होण्यापूर्वीची लोकल पकडण्यासाठी पनवेल स्थानकात प्रवाशी झालेले हजर. लोकमत न्यूज नेटवर्क, मुंबई: दिवाळीच्या सुट्ट्यांमुळे मुंबईत पर्यटनासाठी आणि धार्मिक स्थळांना भेट देण्यासाठी आलेल्या नागरिकांनाही रविवारी मध्य रेल्वेच्या मेगाब्लॉकचा फटका बसला. ठाणे ते कल्याण दरम्यान धीम्या मार्गावरील लोकल जलद मार्गावर वळविण्यात आल्याने कळवा, मुंब्रा, दिवा, कोपर आणि ठाकुर्ली येथील प्रवाशांची मोठी गैरसोय झाली. त्यातच हार्बर आणि ट्रान्स हार्बर मार्गावरील लोकल रद्द करण्यात आल्याने प्रवाशांना पर्यायी प्रवास करावा लागला.