भंडारा : ‘प्रवाशांच्या सेवेसाठी’ आणि ‘सुरक्षित प्रवास’ असे ब्रीद मिरविणाऱ्या एसटी महामंडळाच्या कारभारावर प्रश्नचिन्ह निर्माण करणारी घटना भंडारा-मुंढरी मार्गावर. बसमध्ये अन्य प्रवासी नसल्याचे कारण पुढे करीत चालक आणि वाहकाने दोन विद्यार्थिनींना रात्रीच्या अंधारात नियोजित गावापूर्वीच रोहा येथे उतरवून दिले. या प्रकारामुळे विद्यार्थिनींच्या सुरक्षिततेचा प्रश्न ऐरणीवर आला असून पालकांमध्ये संताप व्यक्त होत आहे. .भंडारा येथून मुंढरीकडे जाणारी एमएच -४०/ वाय- ५००८ क्रमांकाची एसटी बस रात्री रोहा येथे पोहोचली.