India vs New Zealand 5th ODI Highlights : भारत आणि न्यूझीलंड यांच्यातील पाचव्या आणि अखेरच्या वनडे सामन्यात क्रिकेट चाहत्यांना चांगलाच थरार पाहायला मिळाला. प्रथम फलंदाजी करताना टीम इंडियाचा डाव अवघ्या 209 धावांवर आटोपला. त्यामुळे न्यूझीलंडसमोर विजयासाठी 210 धावांचं माफक आव्हान होतं. भारतीय फलंदाजांच्या निराशाजनक कामगिरीमुळे सामना भारताच्या हातून निसटणार, असंच चित्र निर्माण झालं होतं. मात्र, भारतीय गोलंदाजांनी हार मानली नाही. त्यांनी भेदक मारा करत न्यूझीलंडच्या फलंदाजांना मोठी खेळी करण्याची संधीच दिली नाही.