औषध विक्रेत्यांवर कारवाई करत असताना गंभीर गुन्हे करणारे डॉक्टर्स तसेच ऑनलाइन औषध विक्रेत्यांकडे मात्र दुर्लक्ष. सांगली : अन्न व औषध प्रशासनाकडून औषध विक्रेत्यांवर केल्या जात असलेल्या कारवाया अन्यायकारक असल्याचा आरोप करत राज्यातील औषध विक्रेत्यांनी आंदोलनाचा इशारा दिला आहे. केमिस्ट ॲण्ड ड्रगिस्ट असोसिएशनचे सचिव अनिल नावंदर यांनी ही माहिती दिली.संघटनेने प्रसिद्धीपत्रकात म्हटले आहे की, अन्न व औषध प्रशासनाकडून राज्यातील औषध विक्रेत्यांविरुद्ध अतिशय छोट्या-छोट्या चुकांसाठी कडक कारवाया केल्या जात आहेत.