வங்கக் கடலில் உருவான முரசு புயல் நாளை தீவிரப் புயலாக வலுப்பெற வாய்ப்பு. சென்னைக்கு ஆரஞ்ச் அலர்ட், திருவள்ளூர் உள்ளிட்ட மாவட்டங்களில் கனமழை எச்சரிக்கை. மேற்கு வடமேற்கு திசையில் நகரும் இந்தப் புயல், தெற்கு ஆந்திர கடலோரப் பகுதிகளை நெருங்கி, செவ்வாய்க்கிழமை காலை நெல்லூர் - நரசப்பூர் இடையே தீவிரப் புயலாகக் கரையைக் கடக்கக்கூடும் எனக் கணிக்கப்பட்டுள்ளது. சென்னைக்கு கிழக்கு - தென்கிழக்கே 560 கி.மீ. தொலைவில் முரசு புயல் தென்மேற்கு மற்றும் அதனை ஒட்டிய மத்திய மேற்கு வங்கக் கடல் பகுதியில் நிலவிய ஆழ்ந்த காற்றழுத்தத் தாழ்வு மண்டலம், இன்று காலை 11.30 மணியளவில் முரசு புயலாக வலுப்பெற்றதாக அறிவிக்கப்பட்டுள்ளது.