పల్నాడు జిల్లా నరసరావుపేట నియోజకవర్గంలో పంచాయతీ ఎన్నికల నామినేషన్ల మొదటి రోజే తీవ్ర ఉద్రిక్తత నెలకొంది. జిల్లాలోని రొంపిచర్ల మండలం విప్పర్ల గ్రామంలో సర్పంచ్ పదవికి నామినేషన్ వేసే విషయంలో టీడీపీలోని రెండు వర్గాల మధ్య తలెత్తిన విభేదాలు హై టెన్షన్కు దారితీశాయి. ఇరువర్గాలు భారీ సంఖ్యలో నామినేషన్ కేంద్రం వద్దకు చేరుకోవడంతో వాతావరణం వేడెక్కింది. నామినేషన్ వ్యవహారంలో ఇరువర్గాల మధ్య మాటామాటా పెరిగి ఘర్షణ వాతావరణం ఏర్పడటంతో పోలీసులు వెంటనే రంగంలోకి దిగి ఇరువర్గాలను చెదరగొట్టారు..