બિરસા મુંડાની 151મી જન્મજયંતિ નિમિત્તે છોટાઉદેપુરમાં રાજ્યકક્ષાના જનજાતીય ગૌરવ દિવસની ઉજવણી કરવામાં આવી હતી. SV કોલેજ ગ્રાઉન્ડ ખાતે યોજાયેલા કાર્યક્રમમાં મુખ્યમંત્રી ભૂપેન્દ્ર પટેલ ઉપસ્થિત રહ્યા હતા અને આદિવાસી વિસ્તારો માટે 2,311 કરોડ રૂપિયાના વિકાસકાર્યોની ભેટ આપી હતી. આજે બિરસા મુંડાની 151મી જન્મજયંતિ નિમિત્તે સમગ્ર દેશમાં જનજાતીય ગૌરવ દિવસની ઉજવણી કરવામાં આવી રહી છે. ત્યારે ગુજરાતમાં છોટાઉદેપુર ખાતે રાજ્યકક્ષાના જનજાતીય ગૌરવ દિવસની ભવ્ય ઉજવણી કરવામાં આવી હતી.