- शहरांच्या वाढीव हद्दीतील नगर भूमापनासाठी स्थानिक स्वराज्य संस्थांना सादर करावा लागणार प्रस्ताव. पुणे : राज्यातील महापालिका आणि नगरपालिका क्षेत्रांतील, तसेच नव्याने हद्दीत समाविष्ट झालेल्या गावांतील ज्या जमिनींचे नगर भूमापन झालेले नाही, त्यांचे सर्वेक्षण करून मिळकत पत्रिका (प्रॉपर्टी कार्ड) देण्याचा निर्णय राज्य शासनाने घेतला आहे. या प्रक्रियेनंतर संबंधित क्षेत्रातील सातबारा उतारे बंद केले जाणार आहेत.नगर भूमापनासाठी संबंधित महानगरपालिका किंवा नगरपालिकेला प्रस्ताव तयार करून भूमी अभिलेख विभागाच्या जिल्हा अधीक्षकांकडे सादर करावा लागेल.