सोन्याची वाढलेली मागणी आणि कच्च्या तेलाच्या आयातीत झालेली वाढ यामुळे देशाच्या आयात खर्चात मोठी भर पडली. भारताच्या व्यापार तुटीत ऑक्टोबर महिन्यात मोठी वाढ झाली असून हा आकडा जवळपास 40 अब्ज डॉलरवर पोहोचला आहे. सामान्यतः व्यापार तूट वाढली की रुपयावर दबाव निर्माण होण्याची शक्यता असते. मात्र, Axis Bank Research च्या मते, सध्याच्या परिस्थितीत रुपयाची मोठी घसरण होण्याची शक्यता कमी आहे.