రాజధాని హైదరాబాద్లో మాదాపూర్ తమ్మిడికుంట చెరువు ఆక్రమణలపై ప్రభుత్వం కొరడా ఝళిపించి.. హైడ్రా సాయంతో పునరుద్ధరించారు. ఇదే తరహాలో రాష్ట్రంలోని అన్ని పట్టణాల్లో చెరువుల పునరుద్ధరణ జరగాలని సీఎం రేవంత్రెడ్డి సూచించారు. వరంగల్ కార్పొరేషన్, న్యూస్టుడే: వరంగల్ కాకతీయ పట్టణాభివృద్ధి సంస్థ(కుడా) పరిధిలో చెరువులు, కుంటల పరిరక్షణ కోసం అన్ని ప్రభుత్వ శాఖలతో చెరువుల పరిరక్షణ కమిటీ (లేక్స్ ప్రొటెక్షన్ కమిటీ) ఏర్పాటు చేసింది. నెలన్నర క్రితం ఖిలావరంగల్ కోటలో తొలి సమావేశం జరిగింది. హనుమకొండ జిల్లా పరిధిలో ఐదు చెరువులకు ఫుల్ ట్యాంకు లెవల్(ఎఫ్టీఎల్) హద్దులు ఖరారు చేసి, క్షేత్రస్థాయిలో హద్దురాళ్లు పాతాలని తీర్మానించారు.