Warangal: వరంగల్–నర్సంపేట ప్రధాన రహదారిపై మురుగునీరు నిల్వ ఉండి టీఆర్టీ కాలనీవాసులు తీవ్ర ఇబ్బందులు పడుతున్నారు. Warangal: వరంగల్ నగరంలోని 18వ డివిజన్ లేబర్ కాలనీ పరిధిలోని టీఆర్టీ కాలనీవాసులు మురుగునీటి సమస్యతో తీవ్ర ఇబ్బందులు ఎదుర్కొంటున్నారు.వరంగల్–నర్సంపేట ప్రధాన రహదారిపై మురుగునీరు ప్రవహిస్తూ నిల్వ ఉండటంతో ప్రజల రాకపోకలకు తీవ్ర అంతరాయం ఏర్పడుతోంది. సరైన మురుగునీటి కాలువలు లేకపోవడంతో ఇళ్ల నుంచి వెలువడే మురుగునీరు రోడ్డుపైకి చేరుతోందని స్థానికులు ఆవేదన వ్యక్తం చేస్తున్నారు.రోడ్డుపై రోజుల తరబడి మురుగునీరు నిల్వ ఉండటంతో దోమలు విపరీతంగా పెరిగి ప్రజలు అనారోగ్య సమస్యల బారిన పడే ప్రమాదం ఉందని ఆందోళన చెందుతున్నారు.