मिरज तालुक्यातील बेळंकी येथे कामाच्या हिशोबावरून झालेल्या आर्थिक वादातून बबलू गौतम याने सख्ख्या साडू महेश गौतम याच्या डोक्यात काठीने प्रहार करून त्यांचा खून केला. सांगली : आर्थिक वादातून एका साडूने आपल्या सख्ख्या साडूचा खून केला. या घटनेनंतर पश्चातापापोटी खून करणाऱ्या साडूनेही गळफास घेऊन स्वतःचे आयुष्य संपवल्याची धक्कादायक घटना मिरज तालुक्यातील बेळंकी येथे घडली आहे. महेश ब्रिजलाल गौतम असे खून झालेल्या साडूचे, तर बबलू भगवती गौतम असे आत्महत्या केलेल्या आरोपी साडूचे नाव आहे.