దేశవ్యాప్తంగా 23 ఐఐటీలతోపాటు బెంగళూరులోని ఐఐఎస్సీలో బీటెక్ కోర్సుల్లో ప్రవేశాల కోసం నిర్వహించే జేఈఈ అడ్వాన్స్డ్ పరీక్ష తేదీని ఐఐటీ దిల్లీ ప్రకటించింది. మే 23న పరీక్ష నిర్వహించనున్నట్లు వెల్లడించింది. జేఈఈ మెయిన్లో అర్హత సాధించిన 2.50 లక్షల మంది అభ్యర్థులకు అడ్వాన్స్డ్ రాసే అవకాశం కల్పించనున్నారు. మరోవైపు, మూడోసారి పరీక్ష రాసేందుకు అవకాశం ఇవ్వాలన్న విద్యార్థుల విజ్ఞప్తిని అధికారులు తిరస్కరించారు. గత నిబంధనల ప్రకారమే రెండుసార్లు మాత్రమే పరీక్ష రాసేందుకు అనుమతించారు..