హిమాచల్ ప్రదేశ్ రాజధాని సిమ్లాలోని డీసీ ఆఫీస్ పరిసరాల్లో ఒక కోతి సృష్టించిన హడావుడి కలకలం రేపింది. బ్యాంకులో డబ్బులు జమ చేయడానికి వెళ్తున్న ఓ వ్యక్తి చేతి నుంచి కోతి ఏకంగా రూ. 81,800 నగదు ఉన్న బ్యాగును లాక్కొని పక్కనే ఉన్న చెట్టుపైకి ఎక్కింది. ఆ తర్వాత చెట్టుపై నుంచి 500 రూపాయల నోట్లను కిందకు విసురుతూ నోట్ల వర్షం కురిపించింది. స్థానికంగా కోతుల బెడద రోజురోజుకు విపరీతంగా పెరుగుతోందని ఈ ఘటన మరోసారి నిరూపించింది.