మురసు తుఫానులో చిక్కుకొని 9 మంది జాలర్లు మృతి చెందిన ఘటన మరువక ముందే.. ప్రకాశం జిల్లాలోని సముద్రతీరంలో మరో బోటు కొట్టుకురావడం కలకలం రేపింది. సింగరాయకొండ మండలం పాకల తీరానికి గుర్తుతెలియని బోటు చేరింది. పూర్తిగా దెబ్బతిన్న స్థితిలో ఉన్న ఈ బోటులో ఎవరూ లేకపోవడంతో మత్స్యకారుల్లో ఆందోళన నెలకొంది. ఇటీవల మురసు తుఫానులో చిక్కుకున్న బోటు ఘటన మరువకముందే మరో బోటు తీరానికి చేరడంతో అసలేం జరిగిందనే చర్చ మొదలైంది.