హైదరాబాద్లో నిషేధిత ఇ-సిగరెట్ల అక్రమ దందా గుట్టురట్టయింది. చాక్లెట్లు, హుక్కా పాట్స్ విక్రయాల ముసుగులో విదేశాల నుంచి ఇ-సిగరెట్లు తెప్పించి నగరంలో విక్రయిస్తున్న ముఠాపై గొల్కొండ జోన్ టాస్క్ ఫోర్స్ పోలీసులు మెరుపుదాడి చేశారు. హైదరాబాద్, నవంబరు 14: నగరంలో నిషేధిత ఇ-సిగరెట్ల అక్రమ వ్యాపారం గుట్టును గొల్కొండ జోన్ టాస్క్ ఫోర్స్ పోలీసులు రట్టు చేశారు. గుడిమల్కాపూర్, మాదాపూర్ ప్రాంతాలను కేంద్రంగా చేసుకుని సాగుతున్న ఈ అక్రమ దందాపై పోలీసులు ప్రత్యేక నిఘా పెట్టారు.