దీపావళి వచ్చిందంటే ఇళ్లలో సందడి, బంధువుల రాకపోకలు, రకరకాల పిండి వంటలు, స్వీట్లు కనిపిస్తుంటాయి. పండుగ సందర్భంగా నచ్చినవన్నీ తినాలని చాలామంది అనుకుంటారు. ముఖ్యంగా లడ్డూలు, జిలేబీలు, కాజు కట్లీ, గులాబ్ జామూన్ వంటి స్వీట్లను ఎక్కువగా ఆస్వాదిస్తుంటారు. అయితే పండుగ ముగిసిన తర్వాత కొందరిలో రక్తంలో చక్కెర స్థాయులు ఒక్కసారిగా పెరుగుతున్నట్లు కనిపించవచ్చు. ముఖ్యంగా మధుమేహం ఉన్నవారు ఈ విషయంలో మరింత జాగ్రత్తగా ఉండాలి.