హైదరాబాద్ పాతబస్తీలో గియార్వి షరీఫ్ వేడుకల సందర్భంగా ఏనుగు ఒక్కసారిగా బెదిరి అదుపుతప్పింది. బ్యాండ్ బాజా శబ్దాలు పెరగడంతో చార్మినార్ పరిసరాల్లో పరుగులు తీసింది. దీంతో స్థానికులు భయాందోళనకు గురయ్యారు. ప్రజల భద్రత దృష్ట్యా అధికారులు ఏనుగు ఊరేగింపును రద్దు చేశారు. అనంతరం ఏనుగును మత్తు ఇంజెక్షన్ ఇచ్చి ప్రత్యేక లారీలో కర్ణాటకలోని గుల్బర్గాకు భారీ పోలీసు బందోబస్తు మధ్య తరలించారు. ఈ ఘటనలో ఎవరికీ ఎలాంటి ప్రాణనష్టం జరగలేదు.