ప్రస్తుత రోజుల్లో చాలామంది తమ శరీరాకృతిపై ప్రత్యేక శ్రద్ధ చూపిస్తున్నారు. కొందరు బరువు పెరిగిపోతున్నామని ఆందోళన చెందుతుంటే.. మరికొందరు సన్నగా కనిపించాలని ఆహారం తగ్గించేస్తుంటారు. అయితే శరీర బరువును తగ్గించుకోవడం ఒక్కటే ఆరోగ్యానికి కొలమానం కాదు. మన ఎత్తు, వయసు, శరీర నిర్మాణం, రోజువారీ శారీరక శ్రమ వంటి అంశాలను పరిగణనలోకి తీసుకుని ఆరోగ్యకరమైన బరువును కొనసాగించడం ముఖ్యం. అందుకోసం ఆకలితో ఉండటం లేదా ఒక్కసారిగా కఠినమైన వ్యాయామాలు చేయడం అవసరం లేదు.