ఆంధ్రప్రదేశ్ రాష్ట్రవ్యాప్తంగా నిత్యావసర వస్తువుల ధరలు, నిల్వలు, సరఫరాపై విజిలెన్స్ శాఖ ప్రత్యేక నిఘా పెట్టింది. సీఎం చంద్రబాబు నాయుడు ఆదేశాల మేరకు, విజిలెన్స్ డీజీ హరీష్ కుమార్ గుప్తా పర్యవేక్షణలో అక్టోబర్ 26 నుంచి రాష్ట్రవ్యాప్తంగా విస్తృత స్థాయిలో తనిఖీలు నిర్వహిస్తున్నారు. సామాన్య ప్రజలకు నిత్యావసర వస్తువులు సరసమైన ధరలకు అందేలా చూడటమే లక్ష్యంగా సివిల్ సప్లైస్, జీఎస్టీ, ఫుడ్ సేఫ్టీ, లీగల్ మెట్రాలజీ, రెవెన్యూ , పోలీస్ శాఖల సమన్వయంతో ఈ దాడులు జరుగుతున్నాయి..