ગાંધીનગરમાં ગઈકાલે મોડી રાત્રે ત્રણ વાગ્યે અલ્પેશ ઠાકોરની આગેવાની ઠાકોર સમાજનું મોટું સંમેલન યોજાયું હતું. તેમાં હજારો લોકો હાજર રહ્યા હતા. આ સંમેલનમાં ગેનીબહેન ઠાકોર, જગદીશ ઠાકોર જેવા વિપક્ષના નેતાઓ અને વિક્રમ ઠાકોર જેવા પ્રચલિત કલાકારો પણ હાજર રહ્યા હતા. આ સંમેલનમાં ઠાકોર સમાજના આગેવાનોએ સમાજમાં વ્યાપ્ત બદીઓ દૂર કરવાનું આહ્વાન કર્યું હતું અને સમાજને કઈ રીતે આગળ લઈ જઈ શકાય તેની ચર્ચા કરી હતી.