मनपा अधिकाऱ्यांच्या सोमवारच्या बैठकीत महापौर यांनी तातडीने विशेष मोहीम राबवून शहरात स्वच्छता करण्याचे आदेश दिले. तसेच, धूर फवारणीही करण्याच्या सूचना दिल्या. प्रतिनिधी, नगर विविध उद्घाटने व सार्वजनिक कार्यक्रमांना जात असताना रस्त्याच्या कडेने दिसणारे कचऱ्याचे साम्राज्य, ओसंडून वाहणाऱ्या कचराकुंड्या, तसेच कार्यक्रमाची ठिकाणे सोडली तर संबंधित परिसरातील अस्वच्छता व तेथे भेटणारांकडून स्वच्छतेची, नियमित घंटा गाड्या याव्यात म्हणून होणारी मागणी यामुळे महापौर सुरेखा कदम काहीशा अस्वस्थ आहेत.