దేశాలు వేరు కావచ్చు.. మతాలు, భాషలు వేరుగా ఉండవచ్చు. కానీ కొన్ని ప్రాంతాలపై, సంస్కృతులపై మనుషులకు ఉండే అభిమానం మాత్రం సరిహద్దులను దాటుతుంది. ఇందుకు నిదర్శనంగా నిలుస్తోంది పాకిస్తాన్కు చెందిన ముస్కాన్ అనే యువతి. భారతీయ సంస్కృతి, పండుగలు, పర్యాటక ప్రాంతాలంటే తనకు ఎంతో ఇష్టమని చెబుతూ ఆమె చేసిన వీడియో ప్రస్తుతం సోషల్ మీడియాలో వైరల్ అవుతోంది. ముఖ్యంగా జర్మన్ పాస్పోర్ట్ వచ్చిన వెంటనే తన మొదటి ప్రయాణం భారత్కే ఉంటుందని ఆమె ప్రకటించడం నెటిజన్లను ఆకట్టుకుంటోంది.