గంజాయి స్మగ్లర్లు రూటు మార్చారు.. కొత్త ఎత్తులు వేస్తున్నారు. పోలీసుల కళ్లుగప్పేందుకు ఎస్కార్ట్ వాహనం.. గంజాయిని రహస్యంగా తరలించేందుకు మరో కారు. ఇలా పక్కా స్కెచ్తో బయలుదేరిన ఆముఠాకు అనుకోని బ్రేక్ పడింది. మార్గ మధ్యంలో కారు బ్రేక్డౌన్ కావడంతో అసలు బాగోతం బట్టబయలైంది. ఈజీ మనీ కోసం మొదలుపెట్టిన అక్రమ వ్యాపారం.. చివరకు కటకటాల పాలయ్యే పరిస్థితి తెచ్చింది. మహారాష్ట్ర బీడ్ జిల్లాకు చెందిన ఆకాష్ విజయ్ దాబెకర్, బుల్ఢానా జిల్లాకు చెందిన ఆకాష్ దిలీప్ మోరేతో పాటు మరో ముగ్గురు ముఠాగా ఏర్పడ్డారు. ఒక్కొక్కరు రూ.50 వేల చొప్పున పెట్టుబడి పెట్టి ఒడిశాలోని జగన్నాథపురి ప్రాంతానికి వెళ్లారు.