డిజిటల్ అరెస్ట్ పేరుతో తాడేపల్లిలో వృద్ధ దంపతులు భారీ సైబర్ మోసానికి గురయ్యారు. బెంగళూరు పోలీసులమని, సీబీఐ విచారణ, అరెస్ట్ వారెంట్ అంటూ బెదిరించిన సైబర్ నేరగాళ్లు.. వారి మ్యూచువల్ ఫండ్ పెట్టుబడులను వెనక్కి తీసుకునేలా చేసి రూ.2 కోట్లకు పైగా తమ ఖాతాల్లోకి బదిలీ చేయించుకున్నారు. డబ్బులు తిరిగి రాకపోవడంతో మోసపోయామని గుర్తించిన దంపతులు పోలీసులను ఆశ్రయించారు. సైబర్ నేరగాళ్ల వలలో పడుతున్న బాధితుల సంఖ్య తగ్గడం లేదు. తాజాగా తాడేపల్లిలో ఇలాంటి ఘటనే వెలుగులోకి వచ్చింది. ఏకంగా ఓ వృద్ధ దంపతులను డిజిటల్ అరెస్ట్ పేరుతో బెదిరించి.. వారి నుంచి రూ.2 కోట్లకు పైగా కాజేశారు.