గ్రేటర్ వరంగల్ నగరం పరిధిలోని కాజీపేట వైఎస్సార్ నగర్ గుడిసె వాసుల వివాదం రోజుకో మలుపు తిరుగుతుంది. ఈ కాలనీలో 120 కుటుంబాలు జీవనం కొనసాగిస్తున్నాయి. 20ఏళ్లకుపైగా ఉన్న తమకు పట్టాలు ఇవ్వాలని గుడిసెవాసులు... దిశ, వరంగల్ బ్యూరో : వరంగల్ నగరం పరిధిలోని కాజీపేట వైఎస్సార్ నగర్ లో 20 ఏళ్ల క్రితం పేదలు గుడిసెలు వేసుకున్నారు. అప్పటి కాంగ్రెస్ ప్రభుత్వం హయాంలో గుడిసెలు వేసుకోవడంతో పాటు ఆ కాలనీకి వైఎస్సార్ నగర్ అని పేరు పెట్టుకున్నారు. కాజీపేట రైల్వే స్టేషన్ కు దగ్గరగా ఉన్న ఈ ప్రభుత్వ భూమిలో అప్పటి కాంగ్రెస్ నేతలే గుడిసెలు వేసే విధంగా ప్రోత్సహించారు.