వరంగల్ జిల్లాలోని కరీమాబాద్లో అమానవీయ ఘటన చోటుచేసుకుంది. భార్య పట్ల ఓ భర్త అత్యంత దారుణంగా వ్యవహరించిన ఘటన స్థానికంగా తీవ్ర కలకలం రేపింది. వివాహిత మహిళను ఆమె భర్త గొలుసుతో కట్టేసి, బయట ఒంటరిగా వదిలేసి వెళ్లిపోయాడు. కనీస మానవత్వం లేకుండా భార్యను ఇలా బంధించి వెళ్లడంపై స్థానికులు తీవ్ర ఆగ్రహం వ్యక్తం చేస్తున్నారు. సమీరాను ఆమె భర్త అమీర్ గొలుసుతో కట్టేసి బయట వదిలేయడంతో ఆమె చీకట్లో, కనీస సౌకర్యాలు లేకుండా తీవ్ర ఇబ్బందులు ఎదుర్కొంటోంది. ఆహారం, నీరు, ఇతర కనీస అవసరాలు కూడా అందుబాటులో లేకపోవడంతో ఆమె పరిస్థితి దయనీయంగా మారింది.