జీవితాంతం తోడుండాల్సిన భర్తే భార్యను గొలుసులతో కట్టేసి పరారైన అమానవీయ ఘటన వరంగల్ నగరంలోని కరీమాబాద్లో జరిగింది. భార్యాభర్తల మధ్య ఏర్పడిన మనస్పర్థల కారణంగా కన్నవారితో కలిసి పుట్టింట ఉన్న భార్యను ఇనుప గొలుసులతో కట్టేసి వెళ్లాడో కిరాతక భర్త. వరంగల్ జిల్లా కరీమాబాద్ ప్రాంతంలో శుక్రవారం చోటుచేసుకున్న ఈ ఉదంతం స్థానికంగా తీవ్ర కలకలం రేపింది. వరంగల్ నగరంలోని 41వ డివిజన్కు చెందిన అమీర్కు, రామస్వామి గుడి ప్రాంతానికి చెందిన సమీనాతో కొన్నేళ్ల క్రితం వివాహం జరిగింది. వీరికి ఇద్దరు కుమార్తెలు, ఒక కుమారుడు సంతానం ఉన్నారు.