తిరుమల శ్రీవారి భక్తుల కోసం టీటీడీ డిసెంబర్ 20 నుంచి సద్గమయ ఆన్లైన్ కార్యక్రమాన్ని ప్రారంభించనుంది. కేవలం రూ.5 చెల్లించి ఇందులో పేర్లు నమోదు చేసుకోవచ్చు. Tirupati: తిరుమల శ్రీవారి భక్తులకు తిరుమల తిరుపతి దేవస్థానం (టీటీడీ) మరో మంచి అవకాశం కల్పించేందుకు సిద్ధమైంది. రామాయణం, మహాభారతం, భగవద్గీత వంటి పవిత్ర గ్రంథాల్లోని ముఖ్యమైన విషయాలను సామాన్యులకు సులభంగా అర్థమయ్యేలా చెప్పేందుకు ‘సద్గమయ’ పేరుతో కొత్త ఆన్లైన్ కార్యక్రమాన్ని ప్రారంభించనుంది. డిసెంబర్ 20న వైకుంఠ ఏకాదశి సందర్భంగా ఈ కార్యక్రమానికి శ్రీకారం చుట్టాలని నిర్ణయించింది. ఇందులో పాల్గొనాలనుకునే భక్తులు కేవలం రూ.5 చెల్లించి పేర్లు నమోదు చేసుకోవాల్సి ఉంటుంది.