राज्यात सर्वाधिक कमाल तापमान ३६.१ अंश सेल्सिअस इतके रत्नागिरी येथे नोंदवले गेले, तर सर्वांत कमी किमान तापमान १२.० अंश सेल्सिअस इतके गोंदिया येथे नोंदवले गेले. लोकमत न्यूज नेटवर्क, मुंबई : हळूहळू मुंबईत थंडीची चाहूल जाणवू लागली असून, शुक्रवारी सकाळी सांताक्रूझ येथे यंदाच्या हंगामातील आतापर्यंतच्या नीचांकी तापमानाची नोंद झाली. सांताक्रूझ येथे किमान तापमान १८.९ अंश सेल्सिअस नोंदवण्यात आले. विशेष म्हणजे, यंदाच्या हंगामात प्रथमच शहरातील किमान तापमानाचा पारा २० अंशांच्या खाली घसरला आहे.