बांधकाम व्यावसायिक, डॉक्टर, व्यापारी, विद्यार्थी आणि ज्येष्ठ नागरिकांवरही झाली कारवाई. लोकमत न्यूज नेटवर्क, मुंबई : दिवाळीत फटाके फोडण्याच्या उत्साहात नियमांचे उल्लंघन करणाऱ्यांना मुंबई पोलिसांनी दणका दिला आहे. सार्वजनिक रस्ते, पदपथ व सार्वजनिक ठिकाणी फटाके फोडणाऱ्यांविरोधात ५ ते ११ नोव्हेंबरदरम्यान पोलिसांनी ८२ गुन्हे दाखल केले असून, ११० जणांना नोटिसा बजावल्या आहेत. विशेष म्हणजे, कारवाई झालेल्यांमध्ये बांधकाम व्यावसायिक, व्यापारी, डॉक्टर, नोकरदार, औषध विक्रेते, मजूर, विद्यार्थी, वाहनचालक व ज्येष्ठ नागरिकांचाही समावेश आहे.