शौचालयांमध्ये पाणी नाही, दुर्गंधीमुळे प्रवासी हैराण; एसटी महामंडळाच्या कार्यक्षमतेवर प्रश्नचिन्ह. लोकमत न्यूज नेटवर्क, मुंबई : प्रवाशांना स्वच्छ आणि सुरक्षित सुविधा देण्याची जबाबदारी असलेल्या एसटी महामंडळाच्या मुंबई सेंट्रल डेपोची अवस्था अत्यंत दयनीय झाली आहे. डेपोतील शौचालयांमध्ये पाणी नाही, परिसरात सर्वत्र दुर्गंधी पसरली आहे, तर प्लास्टिकच्या कचऱ्यासह दारूच्या रिकाम्या बाटल्यांचा खच पडला आहे. विशेष म्हणजे एनसीएमसी कार्ड काढण्यासाठी येणाऱ्या प्रवाशांनाही दुर्गंधीचा सामना करावा लागत आहे.