నీళ్లు తోడకుండానే బావిని ఖాళీ చేయాలంటే ఎలా? వినడానికి చాలా సులభంగా అనిపించినా, సమాధానం చెప్పడానికి కాస్త ఆలోచించాల్సిందే! మీ తెలివితేటలకు పదును పెట్టే ఈ ఆసక్తికరమైన చిక్కుప్రశ్నకు సమాధానం చెప్పగలరా? ఒక్కసారి ఆలోచించి మీ సమాధానాన్ని కామెంట్ చేయండి. లేదంటే ఈ కింద కథ పూర్తిగా చదివేయండి.. విజయనగర సామ్రాజ్యాన్ని శ్రీకృష్ణదేవరాయులు ఎంతో సమర్థవంతంగా పరిపాలించేవారు. అయితే రాజుగారిని ఒక సమస్య మాత్రం తీవ్రంగా ఇబ్బంది పెట్టేది. దొంగలు ఇళ్లల్లోకి చొరబడి బంగారం, వెండి, నగదు దోచుకెళ్లేవారు. ప్రజలు తమ సంపాదనను ఇళ్లలో ఉంచుకోవాలంటేనే భయపడే పరిస్థితి ఏర్పడింది. సైనికులు ఎన్ని ప్రయత్నాలు చేసినా దొంగలను పట్టుకోలేకపోయారు.