స్మార్ట్వాచ్ కొనాలనుకునే వారికి ప్రముఖ భారతీయ బ్రాండ్ Titan మరో ఆసక్తికరమైన ఆప్షన్ను అందిస్తోంది. ముఖ్యంగా రన్నింగ్, హైకింగ్, ట్రెక్కింగ్, సైక్లింగ్ వంటి అవుట్డోర్ కార్యకలాపాలు ఇష్టపడేవారిని దృష్టిలో పెట్టుకుని Titan Celestor స్మార్ట్వాచ్ను రూపొందించింది. సాధారణంగా స్మార్ట్వాచ్లలో కనిపించే హెల్త్ ట్రాకింగ్ ఫీచర్లతో పాటు, బయట ప్రయాణాలు చేసేవారికి ఉపయోగపడే ప్రత్యేక సెన్సార్లను ఇందులో అందించారు. ఇన్బిల్ట్ GPS, AMOLED డిస్ప్లే, హార్ట్రేట్ మానిటరింగ్, SpO2 ట్రాకింగ్ వంటి ఫీచర్లు ఉన్నాయి. దీని ధర రూ.9,995గా ఉంది.