ఆంధ్రప్రదేశ్ ప్రభుత్వంపై పారిశ్రామికవేత్తలు పూర్తి విశ్వాసంతో ఉన్నారని రాష్ట్ర గవర్నర్ ఎస్.అబ్దుల్ నజీర్ తెలిపారు. ఈనాడు, విశాఖపట్నం: ఆంధ్రప్రదేశ్ ప్రభుత్వంపై పారిశ్రామికవేత్తలు పూర్తి విశ్వాసంతో ఉన్నారని రాష్ట్ర గవర్నర్ ఎస్.అబ్దుల్ నజీర్ తెలిపారు. విశాఖపట్నంలో శుక్రవారం సీఐఐ భాగస్వామ్య సదస్సు ముగింపు సమావేశంలో గవర్నర్ మాట్లాడుతూ.. ‘‘విశాఖలో తొమ్మిదోసారి సీఐఐ భాగస్వామ్య సదస్సు నిర్వహించడం అభినందనీయం. ఆసియా నుంచి ఆఫ్రికా వరకు వివిధ దేశాల ప్రతినిధులు సదస్సుకు హాజరయ్యారు. గడిచిన రెండున్నరేళ్లలో ఏపీకి పెద్ద ఎత్తున పెట్టుబడులు వచ్చాయి. మహిళా స్వయం సహాయక సంఘాలకు బ్యాంకు రుణాలు అందించడంలో దేశంలోనే మొదటిస్థానంలో ఏపీ ఉంది.